ZALEN February 2, 2026: National AIDS Control Organization (NACO) leh Mizoram State AIDS Control Society te bultumin North East Multi-Media Campaign (Red Fest) chu Mizoram chuan February 6, 2026-ah a thleng dawn a, he hunah hian North East State pariat atangin an rawn kalkhawm dawn a, rimawi hmanga HIV/AIDS Awareness neih tum a ni.

Arunachal Pradesh, Assam, Meghalaya, Manipur, Mizoram, Nagaland, Sikkim leh Tripura atangin Project Director leh State AIDS Control Society Officials te bakah NACO atangin Additional Secretary & Director General leh High Officials ten an rawn hmanpui dawn a ni.

He hunah hian thalaite hnenah HIV/AIDS darh zel tur laka invenna leh inzirtirna kalpui tum a ni a, state tin atangin zaithiam an rawn fuankhawm dawn a, Mizoram atang chuan Even Flow leh Jaui an zai dawn a, North East state hrang hrang te ziarang pho chhuah a ni dawn bawk. HIV/AIDS zirtirna tur stall te siam a ni dawn bawk.