Aizawl: Mizoram a khua awm zawng zawng 704 zinga khaw 675 ah eng pek a ni tawh a, khaw tihen tawh zat hi khaw awm zawng zawng atanga chhutin 95.90% a ni. Statistical Handbook of Mizoram 2016 tarlan danin district hrang hrang zingah Champhai district a khaw awm zawng zawng, khaw 83 ah eng pek vek a ni a. Mamit a khaw awm 86 zinga khaw 77 ah eng pek a ni a, Kolasib district-a khaw 34 a khaw 33-ah eng pek a ni bawk a, Aizawl district a khaw 94 a khaw 93 ah eng pek tawh a ni bawk. Handbook tarlan danin district zinga khaw awm tamna ber Lunglei district ah chuan khaw 161 awm zingah khaw 155 tihen a ni a, Serchhip a khaw 35 a 34 tiengin Lawngtlai district a khaw 159 a khaw 153 leh Siaha a khaw 52 awmah khaw 47 tihen a ni tawh a ni. Mizoram district zingah a percentage a lakin Siaha district ah hian electric thlenlohna a tam ber a ni. Statistical Handbook of Mizoram 2016 tarlan danin kum 2014-15 chhung khan state dang atanga power leina atan nuai 19,480 hman anih laiin mipui atanga sum hmuhlet chu nuai 14,124.83 a ni a. Kum kalta 2015-16 chhung khan power leina atan nuai 21,000 sen a niin sum hmuh let chu nuai 16,662.45 a ni thung a ni.