Aizawl: Mizoram Tipper Association ten Mizoram lut tur lirthei thenkhat an dan thungrulh nan Lailapur-ah mi thenkhatten Mizorama lut tur bungraw phur an dang. Zalen palai thudawn danin Zirtawp zanlai khan Lailapur leh Bagha vela hnam dang motor (tripper) nia sawi 18, Mizoram registration neite chu Mizoram Tripper Association chuan Kolasib bulah lo tidingin an kirtir leh a. Lirthei an kirtir lehte thinrim hian Lailapur-ah Mizoram lut tur lirthei zawng zawng an dang a; mahse, a hnu deuhah khualzin leh mi mal lirtheite chu chhuahin he chanchin buatsaih lai hian bungraw phurte chu kaltlangtir an phal lovin an dang hrih. Mizoram Tipper Association hruaitute chuan road block an siam lo tih sawiin hnam dang dan dik lova Mizorama registration neite tihtawp an duh vangin hnam dang mi ni si, Mizoram registration neite chu Mizorama hnathawh an phal lo mai niin an sawi.