Mizoram mi 3 thattu man tawh - CDF, Mindat ; MTP in an kut a hlan turin CDF-Mindat an ngen
![](/storage/news/post/ns96gzvMwDh8qRpac8x506rualyZRRRRLG3R0vl9.jpg)
April 11, 2023; Chin Defence Force (Mindat) chuan thuchhuah siamin, tunhnai a Mizoram mi 3, te Chin State, Myanmar, India leh Myanmar inrinna bula rawng taka thattu chu finfiahna tha tak nen an man tawh tih an tarlang.
April ni 8, 2023 a thuchhuah an siam a an tarlan danin, a tuartu chhungte a tawrhpui takzet a, he thilthleng ah hian CDF te chuan inrawlhna an nei lo va, thudik alo lan theihnan theihtawp chhuah an inhuam.
He tualthahna avang hian Myanmar raltlan te leh Mizoram mipuite inkungkaihna a chhiat phah tih tarlang bawkin, pawi an tih thu te, thudik hailanna kawngah theihtawp an chhuah thu leh, tun ah chuan pawikhawihtu chu finfiahna tha tak nen an man tawh tih an tarlang a, an phu tawk hremna an hmuh ngei theih nan thuneitute an tawiawm zel tur thu an tarlang bawk.
Hemi chungchangah hian Mara Thyutlia Py, Genenral Headquarters chuan thuchhuah siamin, Chin Defence Force- Mindat ten 9.4.2023 a thuchhuah an siam chu social media kaltlangin an lo hmu tih an tarlang a, chutah chuan, 'Zoram mi leh sa, mi pathum thihna a a mawhphurtute kan man tawh a, mawhphurtu an nihna, finfiahna tha tak (Evidence) kan nei kim a ni,' tih tarlan a ni, an ti a.
He chanchin hriat a ni ve leh, MTP Gen Hqrs emergency meeting an nei nghal tih tarlang bawkin, "CDF-Mindat thuchhuah hi thudik a nih chuan an chungah lawmthu kan sawi nghal a, amaherawhchu, thudik hriatchian/finfiah leh zual turin, CDF-Mindat te hian MTP Gen Hqrs nena a rang lama inbiakna siam a, finfiahna rintlak leh thudik min hrilhhre vat turin kan phut/ ngen tak zet a ni," an ti.
"He tualthattute man chungchangah, Mara ram chhunga thilthleng leh a tuartu kan nih angin, MTP Gen.Hqrs kaltlang ngei a mawhphurtute hi a ranglama kan kut a hlan turin CDF-Mindat kan ngen," an ti bawk.
Tarlan tawh angin, New Siaha mi pahnih, C. Biaksuii (48) leh Babu Talukdar (37) te bakah, B. Lalthafamkima (22), Lungpher, Lawngtlai district te chu March ni 22, 2023 ah Mizoram leh Myanmar inrina bul, Myanmar ram chhungah thi a chhar an ni a, he thil thleng vang hian Siaha district chhunga Mizoram leh Myanmar inkalpawhna te chu khar a ni.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024