ZALEN June 1, 2026 : MSU hruaitute chuan vawiin khan Home Minister K. Sapdanga chu a Pisaah an hmu a. BSF hnalaka dan palzutna nasat tak awm, hemi avanga MSU in Aizawl Police Station a FIR thehluh chungchang an sawipui.

MSU chuan Home Minister hnenah hian Mizorama cheng nilo ten, Mizoram mi leh sa anga insawi a, BSF-ah Document diklo tak siam chawpa hna an zawm chungchangah FIR ni March 6, 2026 (zirtawpni) khan Aizawl Police Station ah FIR a thehlut a. Thla-3 (thum) dawn a liam tawh hnuah engmah Sawrkar lam atanga hmalakna chin hriat a nih loh bakah, heng document lem hmanga Mizo quota a lut te hian vawiin thlenga an hna an la thawk chhunzawm zel leh man an la nilo hi MSU chuan a hrethiam lova, MSU chuan tun aia chak zawka hma la tur leh mi diklo te man vat turin Home Minister hnenah an ngen nawn leh a ni.

Home Minister chuan MSU thuthlente chu pawimawh a tih thu a sawi a. Thil diklo a awm anih chuan huaisen taka do tur leh, BSF hnalaka diklo awm pawh MSU te nen tangruala theihtawp an chhuah tur thu a lo sawi ve bawk a ni.