Aizawl October 2, 2022 : India-a Republic of China (Taiwan) palai, Baushaun Ger a chuan September 30, 2022 khan Lok Sabha MP C. Lalrosanga chu Delhi-a a chenna inah tlawhin India nena thawhho theih dan tur te a sawipui a. Mizoram thing leh mau atanga thil siamte leh lakhuihthei leh theirah dangte thawn chhuah chungchang te a sawipui a ni.

Baushaun Ger chuan Taiwan-ah India mi zirlai 3,000 vel an awm a ni tih sawiin zirna leh eizawnna kawng thar siam thei beisei thu a sawi a. Semi conductor siamna lamah thawhho theihna kawng awmte a sawi bawk.

C. Lalrosanga chuan thawhdun theihna kawng dapin India leh Mizoram sawrkar thuneitute a lo sawipui tur thu Taiwan palai a hrilh.

Taiwan palaiin a lo sawipui tawh angin an ram fang tura an sawmna pawh phalna a hmuh chuan tihhlawhtlinsak ngei a tum thu a hrilh a ni.