ZALEN July 22, 2026: Mizoram Police hnuaia branch hrang hrang te leh an thawhpui te chuan kar khat pawh tling lovah Mizoram hmun hrang hrang atangin Methamphetamine cheng vaibelchhe 11.03 chuang man leh Heroin thahnem tak an man.

Ni 21.07.2026 khan CID (SB) leh Kolasib DEF tangkawp chuan Khamrang khaw daia National Highway-ah ruihhlo vai beihpui an thlak a. Methamphetamine mum ni ngeia rin Kg 15 (mum nuai 15 vel), cheng nuai 1,200 (₹12 crore) man hu a ngaih an man. 

Hemi kaihhnawih-ah hian - Sailothanga Sailo (42), S/o Lianzuala (L), Venglai, Kolasib ; Lalchhuanmawia (23), S/o SR Lalnunmawia, Gosen Veng, Kolasib ; Vanlalthlana (32), S/o Lalchhuanawma (L), Diakkawn, Kolasib leh Laldinpuii (43), D/o Lalrinthanga (L), Vengthar, Kolasib te chu an man a, Kawnpui PS-ah NDPS Act, 1985 Section 22(c)/25/29 hnuaiah case ziah luh a ni a, chhui chhunzawm mek a ni.

July 22, 2026 khan Special Narcotics Police Station leh 34 Assam Rifles tangkawp chuan Khatla, Aizawl-ah Heroin gram 21.330 an man. Ruihhlo hi R. Lalhumhima (26), S/o Lalthakima, Chhawrtui, Khawzawl District chhuak, tuna BSUP, Lawipu, Aizawl-a cheng mek kut aṭangin man a ni. NDPS Act-ah hnuaiah thubuai ziah luh a ni. 

Sethlun, Lunglei-ah 21.07.2026 zan khan DSB Lunglei leh 92 Bn BSF Zotlang, Lunglei tangkawp chuan Heroin No. 4, hawng 6, gram 71.59 a rit, ₹14,31,800 man hu, mi pahnih — Malsawmdawnga (33) s/o Zokunga (Champhai Vengthlang) leh Lalzarmawii (34) d/o F. Rotlinga (Bazar Veng, Lunglei) te kut aṭangin an man. Lunglei PS-ah thubuai ziah luh a ni. 

July 17, 2026 zan khan CID (SB) Operation Team te chuan New Look Restaurant, Chanmari Kawn, Aizawl an dap a. Restaurant-ah hian Methamphetamine Kg 4.770, cheng nuai 382 (₹3.82 crore) man hu an man. Karimganj District, Assam lam mi pathum — Juber Ahmed (24); Md Sirajul Hoque (24), leh Sakir Hussain (21) te hemi kaihhnawihah hian man an ni a, ND&PS Act section 22(c)/29(1) hnuaiah thubuai siamsak an ni.

Hemi ni vek hian CID (SB) team hian Thuampui, Aizawl-a Delhi Dhaba bulah lirthei pakhat, Malsawmtluanga (29) (Zokhawthar khua) khalh aṭangin Methamphetamine Kg 9.016, cheng nuai 721 (₹7.21 crore) man hu an man leh bawk a, NDPS Act Section 22(c) leh 25 hnuaiah thubuai ziah luh a ni.

CID (SB)-in kar khat chhunga Aizawla Methamphetamine an man ringawt hi a belhkhawmin Kg 13.786 niin, ₹11,02,88,000/- (vaibelchhe ₹11.03) man hu a chhut a ni.