ZALEN September 03, 2026 : Mizoram Police chuan Marina Lalchhanchhuahi,Tanhril tualthihna chungchanga kumin January ni 27-a Press Statement a chhuah chu vawiin khan a hnuk kir.

Mizoram Police Headquarters-in vawiina Office Order a tihchhuahah Laltanpuii Vs The State of Mizoram & 7 Ors. chungchanga Mizoram Police-in Press Statement, kumin January ni 27-a a lo chhuah tawh chuan Police Manual for Media Briefing a Chapter 8 clause 8.3 a kalh ni-a Gauhati High Court, Aizawl Bench-in a ngaih avangin, High Court duh dan angin Mizoram Police Press Statement lo siam tawh chu Recall (kohkir) a ni.

Tarlan tawh angin Gauhati High Court chuan August ni 31 khan Mizoram Police press statement chu police-in mipui hnena puanzar theih chin inkaihhruaina dan a bawhchhia tih tarlangin; ni 7 ral hmain hnukkir turin a hriattir a ni.