ZALEN November 13, 2025: Mizorama Drugs hluar zel tur an dona kawngah Mizoram Police leh Assam Rifles te chuan ruihhlo an dapna kawngah vawiin November 13, 2025 khan Methamphetamine Kgs 15, cheng vaibelchhe 45 man hu an man.

Drugs che vel a awm tih an hriat thu an dawn atangin Ngopa-Saitual Road-ah team pahnih te hian November 12-13, 2025 khan Ngopa-ah joint operation an nei a, Assam Rifles te chuan vehicle check post an siam a, heng drugs phurtu rinhlelh lirthei Methamphetamine Kgs 15, cheng Vaibelchhe 45 man hu a chhut chu mi pahnih kut atangin an man ta a ni.

Rabizul Haq, s/o Sazuddin leh Naasiruddin, s/o Adul Hassan, Barpeta, Assam lam mi chu man a, heng an mi man te leh an lirthei hi hmalak zui zel atan Saitual Police kutah an hlan a ni.