Mizoram Snooker & Billiards (MSBA) buatsaih, Mizoram State Pool 9 & 10 Ball Championship 2024-a final-a inhmachhawn tur a chiang ta a. Pool 9 leh 10 ball-ah T Laltlansanga chuan final a lut ve ve.

Inrinnia final khelh turah Tlansanga hian Pool 9 Ball-ah T Laltanpuia, Upper Republic a hmachhawn ang a, 10 Ball-ah Lalsangzela, Khatla South nen an inhmachhawn thung dawn a ni.

Ningani zana Pool 10 Ball semi final-ah Tlansanga hian PB Liansangzuala, Dawrpui hmachhawnin race to 7-a khelh a ni a. Lunglei tlangval hian 7-3-a hnehna changin semifinal lehlamah Tpa hian Zonuntluanga (Tekawka), Electric Veng chu 7-5-a hnehin final a lut bawk.

Pool 9 Ball semi final erawh kar kal ta Ningani zan khan khelh niin Tlansanga hian Pool 10 Ball semifinal ang thovin PB Liansangzuala chu 7-3-a hnehin final a lo lut tawh a. Sangzela'n Lalchhandama chu 7-1-a hnehna final a inhlang kai tawh bawk.

Mizoram State Pool 9 & 10 Ball Championship 2024 hi March 4-a MSBA Hall, Hawla Indoor Stadium, Republic Vengthlanga khelh tan kha a ni a. Mizoram hmun hrang hrang atangin player 51 telin Inrinni chawhnuah zawh fel a ni dawn ta a ni.

Mizoram State Pool 9 & 10 Ball Championship 2024 Final

March 30, 2024, @ MSBA Hall, Hawla Indoor Stadium

Pool 10 Ball:

2:00 PM: T Laltanpuia Vs T Laltlansanga

Pool 9 Ball:

4:00 PM: T Laltlansanga Vs Lalsangzela