Aizawl: Mizoram ah rualbanlo 15160 chhunchhiah an ni a, heng zingah hian beng thalo tam berin 3354 an ni a rualbanlo zawng zawng atanga chhutin 22% an tling. Kum 2011 chhiarpui neih result, tunhnai tlangzarh atanga a lan danin pianphunga rualbanlo zinga 2035 chu mit thalo an ni a, beng thalo 3354, tawng theilo 1163, ke lama harsatna nei 1976, rilru lam chianglo 1585, thluak lama harsatna nei 1050, harsatna nei kawp 2083 leh a dang 1914 an awm a ni. Pianphunga rualbanlo hi Aizawl district ah tam berin 5370 an awm a, Mamit ah 1317, Kolasib ah 1385, Champhai 1838, Serchhip 991, Lunglei 1859, Lawngtlai 1498 leh Saiha district ah 902 te an awm a ni. Aizawl district bikah hian mit thalo 634, beng thalo 1116, tawng lama harsatna nei 353, chet velna a harsatna nei 701, rilru buai 649, thluak buai 533, rualbanlohna nei kawp 768 leh haresatna dang nei 616 an awm a ni.