Aizawl; May ni 16, Zirtawp zan khan Zonuam bul Ramrikawn-a Mizoram Rural Bank Branch thra chu misual tutih hriatloh ten rawk tumin an bei a, kawngkhar kalhna an tihchhiat theih loh avangin a bulhnaia dawr thenkhat an rawk zui a, hemi chungchang hi Zonuam Police Outpost-ah thubuai ziahluh niin, pawi khawihtute hi zawn mek an ni. Bank rawk tumte sulhnu atanga a lan dan chuan, rawk an tum hun hi zanrei tawh lam a nih rin a ni a, misualte hi inchung lam atanga lut thla in, Bank kawngkharpui pawn lama kalhna pipe rod an karchhiat hnu-ah a kalhna (lock) dang an tihchhiat theih loh avangin an lut theilo a, hemi hnu hian Bank chunga awm Blessing Home Droping Centre ah lut zuiin, thil lak erawh an neilo ni a hriat a ni a, he droping centre bakah hian Bank bulhnaia Lu mehna dawr an rawk bawk a, he lu mehna dawr atang hian lakchhuah an nei nual ni a hriat a ni. Heng bakah hian Bank hnuaia eichawp dawrah pawh misualte hi an lut a, thil tam thak lak neilo mahse, dawr bungrua lakchhuah leh ei an nei nual ni a hriat a ni bawk.