DOWNLOAD OUR APP

Read latest news on your phone
app-store

Mizoram sawrkar hnathawk 70% dawn mipa

May 02, 2015

Mizoram sawrkar hnathawk 70% dawn mipa

Aizawl: Mizoram sawrkar hnathawk zing ah hmeichhia aiin mipa an tam a, 69.44% chu mipa an ni a, hmeichhia 30.56% hmeichhia an ni. Economics & Statistics Department chhinchhiah danin Mizoramah sawrkar hna-thawk 59612 an awm a, heng zinga 41392 chu mipa niin hmeichhe hnathawk 18220 an awm bawk. Sawrkar hnathawk zingah group ‘C’ chu tam berin 14403 an ni a, hnathawk 29.85% an ni pha. Officia- ting-a thawk 11 chu a tlem ber niin 0.03% an ni. Sawrkar hnathawk zinga 39792 (66.75%) te chuan Non-Plan-ah hlawh an la a, 13060 (21.91%)-in Plan hnuai-ah, 6760 (11.34%)-in CSS hnuaiah hlawh an la a ni. Tar lan danin sawrkar hnathawk zinga 38432 (64.47%) te chu a ngheta thawk niin 21180 (35.53%) chu nghet lo an ni a. Scheduled Tribe tam ber 57761 (96.89%) niin Kristian 57567 (96.57%) an tling a ni. Department zingah School Education Department chuan thawktu a ngah ber a, 16405 neiin sawrkar hnathawk zawng zawng atanga chhutin 27.52% a tling a. Thawktu 5 chauh awmna Bangalore Mizoram House chu thawktu tlem berna a ni. Sawrkar hnathawk zing-ah hian Technical mi 12,641 (21.21%) awmin Non Technical 46971 (78.79%) an awm a. Sawrkar hnathawk zawng zawng hi kum 2011 chhiarpui atanga chhutin 5.43% an tling bawk a ni.
Share now