ZALEN October 24, 2025: Mizoram sawrkar hnuaia Assistant Professor a ngheta lak (Direct Recruitment) kum 20 chuang a awm tawh loh hnuah sawkarin Assistant Professor post 31 lak an ni tur hi MSU chuan lawmawm an ti, hnam dang te lo dil buai ve lo turin an ngen.

MSU chuan, "Mizo thalai ten kan lo nghahhlelh em em he Assistant Professor hna ah hian a ram leilung fate ngei an luh theih nan Non-Mizo (hnam dang) ten dil buai lo turin kan inngen a, form lo fill-up hman tawh, shortlist-a telh kan lo awm palh a nih pawhin Interview pe lo turin thinlung takin kan ngen bawk a ni."

"Chutianga Non-Mizo (hnam dang) te Shortlist-a lang tawh, kan ngenna min zahsaka Interview hmachhawn lo te chu an form fill-up na senso MSU chuan kan refund sak thei reng a ni. Interview lui kan awm anih erawh chuan MSU in a chhinchhiah ang," an ti.