ZALEN, Nov. 20, 2024: Mizoram Snooker & Billiards Association (MSBA) buatsaih Mizoram Snooker 6 Red Championship (2024-2025) khelh mekah a thiam pariat chiah an dam tawh a, Ningani zanah quarter final hi khel a ni dawn.

Mizoram Snooker 6 Red Championship hi Thawhtanni tlai atanga MSBA Hall, Hawla Indoor Stadium, Republic Vengthlanga khelh tan kha a ni a, Mizoram hmun hrang hrang atanga player 35 inlannaah hian Ningani zan khan quarter final-a khel tur chin fel a ni a, pre quarterfinal hi race to 3 (frame thum la hmasa sa chak)-a khelh a ni.

Lalbiaksanga, Mission Vengthlang; Samson Lalnuntluanga, Venghlui; PB Liansangzuala, Dawrpui; Lalchhandama, Dinthar; K Lallawmkima, Khatla South; Lalrina Renthlei, Tuikhuahtlang; Lalsangzela, Khatla South leh Lalzawngkima, Republic Vengthlang te a thiam pariatah an inhlang kai.

Quarter final hi tlai dar 5:00 leh 6:30-ah te inkhel pahnih ve ve a awm dawn a, 5:00PM-ah Lalrina Renthlei leh Lalzawngkima; K Lallawmkima leh PB Liansangzuala te inkhelin a hnuhnung zawkah Lalchhandama leh Samson Lalnuntluanga; Lalbiaksanga leh Lalsangzela te an inkhel ang.

Pre Quarter hi race to 3 a khelh niin, player te an tang takzet a, a hmuhnawm hle a ni. 

Mizoram Snooker 6 Red Championship (2024-2025)

Pre-quarter final ihkhel result (Nov. 20, 2024) 

PB Liansangzuala 3-0 R Lalthazuala (51-23, 34-9, 33-3)

Lalbiaksanga (Bs-a) 3-2 T Laltanpuia (15-24, 1-38, 52-40, 39-28, 43-9)

Samson Lalnuntluanga 3-0 Lalrinawma (25-18, 37-27, 34-22)

Lalchhandama 3-1 Clinton (8-32, 32-17, 39-17, 37-7)

K Lallawmkima 3-0 Zomuana (31-24, 43-5, 45-31)

Lalzawngkima 3-0 Chawngthanzama (36-14, 41-17, 40-32)

Lalrina Renthlei 3-0 Lalrinfela (34-1, 37-4, 45-37)

Lalsangzela 3-2 Liannghilhlova (49-9, 24-27, 17-29, 36-5, 44-15)