ZALEN, Dec. 15, 2024: Player 40 chung inlanna, Mizoram State 10 Ball Pool Championship 2024-25 final-ah PB Liansangzuala chuan Zonuntluanga (Tekawka) chu 8-4-a hnehin a champion.

Mizoram Snooker and Billiards Association (MSBA) Hall, Hawla Indoor Stadium, Pitarte Tlang, Republic Vengthlanga Inrinni tlaia final-a hi Race to 8 (frame 8 la hmasa sa chak) a khelh a ni a. Frame hmasa zawkin a tawpah hnehna a chang zo lo.

Frame hmasa ber chu Tekawka’n lain Pba’n a la ve leh nghal a, frame thumna Tekawka'n a la leh mah se frame lina atangin riatna thleng PBa’n la zawnin 6-2-in hma a hruai hman a. Tekawka tang tharin a dawt frame hnih la zawnin 6-4 a ni leh a, Pba tho chhuak lehin frame 10 leh 11-na a zawnin a la a, 8-4-a chakin nomawi a la ta a ni.

MSBA buatsaih championship hi December 9 atanga khelh tan kha a ni a, final-ah hian Mizoram State Sports Council (MSSC) Sports Promotion Officer H Laldinsanga chu khuallian a ni.