ZALEN Sept. 23, 2025 : Mizoram State Consumer Dispute Redressal Commission (Mizoram State Consumer Court) chuan National Insurance Ltd chu an tih tur an tih that tawk loh avangin Rs. 5, 00, 000/-(cheng nuai nga) a chawi tir.

Thuchhuah an siama an tarlan danin, Vaivakawna cheng ZD Lalremthanga chuan a in leiminin a tihchhiat palh hlauhthawn thil thu-ah September 9, 2019 khan National Insurance Company Ltd atangin Standard Fire & Special Peril insurance policy Rs. 1, 00, 00, 000/-(cheng vaibel chhe khat) claim theihna tur Rs. 32, 450/- in a lei a. National Insurance Company Ltd chuan ama remtihna tel lovin April 24, 2020 khan a insurance policy chu an cancel sak a. A premium a pek let lehna turin a Bank account te thehlut turin tih nimahse a thehlut duh lo a.

Leimin-in ZD Lalremthanga in chu a ti chhia a, March 5, 2021 chuan insurance chu a claim a; nimahsela chu a dilna chu National Insurance Company Ltd chuan a hnawl sak a, Chumi avang chuan State Consumer Court-ah thubuai hi ZD Lalremthanga hian a thehlut a, a dil ang takin State Consumer Court hian pe lo mah se zangnadawmna 5, 00, 000/- ZD Lalremthanga hi pe turin a ti ta a, ni 60 chhunga pek tur a ni.