ZALEN, Feb. 01, 2025: January 30 atanga khelh tan, Mizoram State Mixed Martial Arts Association (MISMA) huaihawt, 8th Mizoram State MMA Championship-ah gold medal 11 nena medal 15 latu SPES Martial Arts Gym chu an chungnung ber. 

Elite MMA Gym, Vaivakawn, Aizawla Inrinnia inelna neih zawh takah hian SPES Martial Arts Gym hian gold medal 11 bakah silver pali leh bronze pakhat lain team champion an ni.

PMS MMA Academy-in gold pakhat leh silver medal pahnih lain 1st Runner Up niin Lunglei District MMA Association chuan silver pahnih lain 2nd runner up team an ni.

Best fighter atan a tumpuite laka submission-a chak vek, Israel Lalrinawma, SPES Martial Arts Gym thlan a ni. 

Tun tum championship-ah hian amateur MMA rules pangngai bakah national leh international federation-ten grassroot level atanga fighter promote an tum avanga kum 12 chin, youth category bakah kum 18 chung lam tan MMA-a mi tharten tawnhriat an neih theih nan senior semi contact rules-te hmangin inelna neih tel a ni. 

MISMA Technical Chairman Samuel Lalrozama chuan MMA hi Olympic Council of Asia hnuaiah Asian Youth Games leh Asian Indoor Games-ah telh a ni tawh avanga Mizote tan chance a that thu leh profesional line-ah a tam thei ang ber promote an tum thu a sawi bawk.

MISMA President T.Lalrinpuia pawhin kuminah state level amateur bakah amateur leh professional fight night an neih tum thu a sawi bawk. 

Category tina champion-te:

Youth C -42 kgs: 

Benjamin C. Lalrempuia 

-61.2 kgs Youth A (Final):

Benjamin R Lalremmawia (SPES)

-65.8 kgs Semi-Contact:

Van Thupuia (SPES)

Open Weight Semi-Contact: 

Zorammuana (SPES) Vs 

-61.2 kgs Junior:

Liannun (SPES) 

-65.8 kgs Junior:

Thangsuanmuan (SPES) 

 -52 kgs Amateur MMA:

Khupminthang Guite (SPES) 

-56.7 kgs Senior:

Thangsanglian (SPES) 

-61.2 kgs Senior: 

Israel Lalrinawma (SPES) 

-65.8 kgs Senior: 

Lalnunsanga (SPES) 

-70 kgs Senior:

Lalmuanpuia (SPES)

-89.3 kgs Senior

Lalawmpuia (SPES)