India rama State football inelna sang ber Santosh Trophy final phase chu Kerala-a Kottapadi Stadium leh Payyanad Stadium-ah thla thar April ni 16 leh May ni 2 chhunga khelh a ni dawn. Final phase khel phak hi State 10 awmin group hnihah then an ni ang. Ruahmanna hmasaah chuan February ni 20 atanga March ni 6 chhunga khelh tura tih kha a ni a. Mahse, a tlengtu Kerala lamah COVID-19 a hluar em vangin sawn hlat a ni.

Group A atanga point hmu sang team hnih leh group B atanga a sang pahnihin semi-final an lut ang. Semi-finalah hian group A hmahruaitu leh B lama pahnihna te an inkhel anga, chutiang chiah chuan group B hmahruaitu leh A lama pahnihna te an intum bawk ang. Semi-final leh final hi Payyanad Stadium-ah an khelh dawn a ni. 

Covid hri leng vanga kum hnih lai khelh tawh loh Santosh Trophy-ah hian champion lai chu Services niin final-ah Punjab-in an hneh lo. North East atangin Mizoram team-in final phase hi an lut phak lo va, Meghalaya leh Manipui state ten kumin Santosh Trophy-ah hian North East ai an awh ang.

Santosh Trophy-ah hian West Bengal an chungnung fal hle a, tum 31 an champion tawh a ni. Punjab-in dawtin tum 8 an champion tawh bawk. Phul lem ngaisang tamna Mizoram pawh kum 2013-2014 khan kan champion ve tawh.

GROUP THEN

Group A:  Kerala, West Bengal, Punjab, Meghalaya, Rajasthan

Group B:  Karnataka, Manipur, Gujarat,  Services, Odisha