ZALEN May 20, 2026: Mizoram Transformation Movement (MTM) chuan vawiin (May ni 20, 2026) khan an kum khat tlinna 1st Anniversary chu an office Transformation Hub, Temple Square ah an hmang.

Kum khat tlin lawmnaah hian MTM President Dr. Lalbiakmawia Ngente chuan thu sawiin "Kan ram leh hnamah siamthar lehna thlen tir tur hian kawng hrang tam tak a awm a, chuta pawimawh tak pakhat chu mipui rilru buatsaih hi a ni," a ti a, "MTM hian hmasawnna tluantling thlentir tur te, chhungkaw tin ban phak hmasawnna thlen tur te, ram leh hnam humhalh tlat tur leh sorkar tha a awm theih nan hma a la zel dawn a, Pathian nen chuan enkim tih theih a ni," a ti bawk.

Anniversary lawmna inkhawm hi F. Zothanzuala'n a kaihruai a, Dr. Vanlalsiama Chhangte, General Secretary in kum khat chhunga MTM hnathawh report a pe a. Stephen Lalruatfela'n hunserh leh Pathian thuchah a sawi a, tawngtaihona leh a duh apiang tan thusawina hun hawn bawk a ni.