ZALEN October 21, 2025: Lirthei-a eizawngte inhlawm khawmna lian ber, Fakhlawh Lo Val Rual (Owner's & Driver's) te chuan Mizoram Tipper Association (Driver's & Owner's) District Headquarter Kolasib ten Road Block an puan chu an thlawp tih thuchhuah an siamah an tarlang.

Mizoram Tipper Association (Driver's & Owner's) District Headquarter Kolasib chuan 23/10/25 zing Dar 7:00Am atangin 26/10/25 tlai 4:00 PM thleng Vairengte to Sairang, Bairabi to Kolasib leh Durtlang Road-ah road block neih an tum a, hemi chung hian Fakhlawh lo Valrual te tumah tlan lo tur leh a tul anga duty turin an inhriattir a, Hemi chhung hian Lirthei tumahin heng lai kawng te hi paltlang tum lo turin an ngen bawk a ni.

Fak Hlawh lo Val Rual te chuan Mizoramin chak a lakna kawng pawimawh ber Sairang to Vairengte inkar chhe reng mai ngaihthah a ni hi hriatthiam har an ti. Hma an lo lak tawhna te thuneitu ten an vil zui lo leh an ngaihthah zui mai te hi ram an vei tak tak loh vanga an ngai a ni. Chuti chunga Lirthei a chhiah chawi ngaihnathiamna awm chuang lo leh a man theih theih man an tum reng mai hi te hi hriatthiam har an ti bawk.