ZALEN November 16, 2025: Kum kal mek, 2025-2026 chhungin Mizoram tlawhtu khualzin an pung mek a, April, 2025 atanga September, 2025 chhungin khualzin 3,51,804 an awm tawh a. Ram pawn atanga Mizoram tlawhtu zingah Myanmar atanga tlawhtu an tam ber.

Tourism department tar lan danin kum kal mek, 2025-26 chhungin Mizoram tlawhtu khualzin tam berte chu ram chhung atanga kal (domestic tourist+local) an ni a, mi 3,45,816 an tling a. April, 2025-ah khualzin an tam ber a, 67,240-te chu ram chhung atanga kal niin ram pawn atanga (foreign tourist) kal mi 632 an awm.

April, 2025-ah Mizoram tlawhtu khualzin local 53,788 leh domestic 13,452 leh foreign tourist 632 an awm a, May, 2025-ah local 37,102, domestic 16,981, foreign tourist 298 an awm a. June 2025-ah local 27,739, domestic 19,001 leh foreign tourist 1,197 an awm a. July, 2025-ah local 32,878, domestic 17,376 leh foreign tourist 1,650 awm bawkin, August-ah local 38,731 leh domestic 23,581, foreign tourist 1,518 an awm a, September, 2025-ah local 35,517, domestic 29,670 leh foreign tourist 693 an awm bawk.

Kum kal mek (April-September) chhunga ram pawn atanga Mizoram tlawhtu khualzin zingah Myanmar atanga khualzin an tam ber a, mi 4,800 an awm a, USA atanga khualzin 361 awmin, Japan atanga tlawhtu mi 146 an awm a, hengte hi ram pawn atanga Mizoram tlawhtu tam zualte an ni a. Ram pawn atanga Mizoram tlawhtu hi mi 5,988 an tling tawh. 

Kum liam ta, 2024-25 chhung khan Mizoram tlawhtu khualzin 5,24,784 an awm a, kum dang zawng aiin an pung a. Chung zinga mi 5,911-te chu ram pawn atanga kal (foreign tourist) an ni a. Ram pawn atanga Mizoram tlawhtu zingah USA atanga kal an tam ber. 

Hetihlai hian Mizoram sawrkara tourism department-in a pawm ‘tour guide’ mi 89 an awm tawh a, chung mite chu khawpui bakah thingtlang hmun hrang hranga mite an ni.

Mizoram tlawhtu khualzin zat

Kum   Ram chhung   Ram pawn   Total

2018-19   88,122     1,644     89,766

2019-20   1,59,534     2,143     1,61,677

2020-21   20,474     90     20,564

2021-22   1,32,099     517     1,32,616

2022-23   2,18,457     3,551     2,22,008

2023-24   1,93,445     3,435     1,96,880

2024-25   5,18,873     5,911     5,24,784

2025-26   3,45,816     5,988     3,51,804

(April - Sept, 2025)