Aizawl: Mizoram electoral roll tihchhuah thar berah mipa aiin hmeichhe voters an tam zawk a, mipa 1000 zelah hmeichhia 1043 awm ang a chhut a ni. Mizoram electoral roll tarchhuah thar berah hian Mizoram MLA bial 40 zinga 29 ah hmeichhe voters an tam zawk a, mipa voters tam zawkna bial te hi Hachhek, Dampa, Mamit, Chalfilh, Lengteng, Tuichang, East Tuipui, Thorang, West Tuipui, Tuichawng leh Lawngtlai West bial te an ni. Electoral roll tarchhuah thar ah hian Mizoram ah voters 739976 awmin heng zinga 377795 chu hmeichhia an ni a, 362181 chu mipa niin mipa aia hmeichhia an tam zawkna hi 15614 a ni.