Aizawl: Kum 150 dawn laia upa Bristish ten Mizoram an rawn luh tirha an lo din tawh Tlabung Post Office chu tun thlengin hmuh theih in a la awm a, Tlabung khua leh a chhehvel khaw tam takin an la hmang tangkai hle a ni. Mizorama Dak-In hmasa ber Tlabung Post Office hi thawm that tuma hmalak a ni a, thawm that a nih loh nan Dak hnathawk leh ram rohlu humhalhtu pawl INTACH, Mizoram Chapter te ngenna angin tun thlengin mingo ho din angin hmuh theih a la ni. Tûna Tlabunga Dâk-in hi a satute kutchhuak ang diak diak chu ni tawh lo mah se, a tam zawk erawh a sak ]antirh laia mi kha a la ni a; a ruhrêl thleng pawhin sak a nih tantirh laia a nihphung a la paih lo hle a.Post Office building hi hlâwm hnihah hman a ni a; office-ah leh Postmaster quarters atan hman a ni. Kum 150 dawna upa Dak-In hian dawr tur a la ngah hle a, tun hma lama Tlabung leh a chhehvela awm ngai lo Bank dangte rawn awm chho mah se Tlabung khaw chhehvel tam tak chuan an la hmang tangkai hle a ni. Tlabung Post Office uaptu Pc Laltlankima, Postmaster chuan Tlabung khuaah bank an rawn in sawn hnaih hnu in dawr tur nei tlem hret mah se nikum leh kumin chho ah chuan an chhinchiah thei chinah dawr tu an kiam loh hle thu a sawi a.Tlabung ah hian mipui dâwr theih bank inbun mah se, mi eng emaw zât chuan Post Office hi tangkái takin an la hmang a; thil inthawn na’n leh pawisa dah]hat na’na bank aia Post Office la thlang tlat mi ]hahnem tak an la awm. Dak-In upa tawh tak, mi tam takin an lo chhawr tangkai em em thin tawh ah hian thawktu tam tak lo awm tawh in thenkhat phei chuan he khawvel hi an lo chhhuahsan hial tawh a. Tunah hian thawktu 4 awm in, rim taka mipui tana thawktu te chuan thawktu indaih lo tawngkam an chhakchhuak ngai lo thung. Tlabung Post Office Post master uap na hnuai ah hian khaw hrang hrangah department tana thawktu Office-a kái thin ni lo, staff anga chhâl theih hi khaw hrang hrangah eng emaw zat an awm a ni. Tlabunga hmuh theiha la awm thil hlui (Heritage) tlemte zingah Post Office hi ]angkái taka la hman zel a ni a; Tlabung Branch YMA hnuaia Committee péng pawimawh tak Heritage Sub-Committee pawhin a nihphung hloh thei tur zawnga thawm]hat an rem tih loh thu an lo sawi tawh nghe nghe a ni.