Aizawl; Mizoram Compulsory Registration of Marriage Act 2007 hman a nih atangin tun thlengin Mizoram-a Marriage Registration ti mi 12,554 an tling tawh a, heng zingah hian Kristian an tam ber a, Buddhist-in dawtin 259 an ni a, Hindu sakhaw vuantu 17 an tel. Deputy Registrar General of Marriages office thawktute sawi danin, kum 2008 April ni 1 atangin Mizoram-ah Marriage Registration hi kalpui tan a ni a, kumin March thleng khan inziaklut hi mi 12,554 awm tawhin, dan-in a phut angin, registration ti te hi an sakhaw vawn dah tel a ni a, hemi chhunga inziaklut tawh zingah Kristian sakhaw vuantu tam berin 12,278 an ni a. Muslim leh sakhaw dang vuantu Marrriage Registration ti hi an la awm lo. District thenkhatah chuan duh angin awareness kalpui a la nih loh avangin registration ti loa innei an la tam hle nia sawi a ni a, a bikin Chakma tamna bialah Marriage Registration hriat mumal loh vanga inziaklut an la tlem hle tih thu lakna chuan a tarlang. India danah kum 18 tling chin chauh nupui pasala inneih theih a nih laiin, sakhaw thenkhat zingah kumtling loa inneihtir te an la chin avangin hengte hi registration tih theih a ni lo mai ni lovin, report-tu an awm chuan dan hmanga hrem theih an ni tih Dy Registrar General of Marriages office thawktute chuan an sawi bawk.