ZALEN July 24, 2026 : Vawiin chawhma dar 11:00 khan Electric Veng YMA Hall-ah Electric Veng Branch YMA chuan an Member Tv. C. Lalremruata, Mizorama Unit tlinga thisen vawi 100 pe hmasa ber pualin thisen pek runpui an buatsaih a, Electric Veng YMA Member mi 100, Mipa - 94, Hmeichhia - 6-in thisen hi an pe a ni. He hun hi Lalrinpuii, Hon’ble Minister, H&FW chuan a hmanpui.

Minister chuan Tv. C. Lalremruata’n a vawi 100-nan a, unit tlinga thisen a pe chu a ropui a tih thu leh midangte ṭanpui nan leh nun chhan nân vawi 100 a pe thei hi zahna chibai ka buk a, Pathianin vengin awmpui se, hei aia tam a pek zel ka beisei a ni,” a ti a, lawmpuina thuziak leh pawisa fai a hlan bawk.

Electric Veng YMA President C. Lalnunfela chuan vawiin hi Electric Veng tana ni chhinchhiah tlâk tak a ni, kan member C. Lalremruata'n Mizorama unit tlinga thisen vawi 100 a pek ni a ni a, a Member puite chuan kan chhuang tak zet a ni” a ti.

C. Lalremruata hi chawimawina leh lawmpuina thuziak mi eng emaw zatin an hlan a, Bialtu MLA K.Sapdanga chuan Electric Veng Branch YMA hnenah ₹15,000/- lawmpui nân a hlan bawk.