August 4, 2023; Mizoramah July 31, 2023 thleng khan lirthei 2,91,887 a awm a, data atanga a lan danin, lirthei punna hi a sang chak hle.

Transport department tarlan danin, kum 2019, March 31 thleng a Mizoram a lirthei awm zat chu 1,76,248 a ni a, hetihlai hian kumin July ni 31 thleng a lirthei awm zat chu 2,91,887 tlingin, kum 4 chhung vel a lirthei punna chu 1,15,639 a tling.

Tun dinhmunah two wheeler 1,98,679 awm mekin, a tam fal hle a, car 49,241 a awm bawk.

Kum 2019 a two wheeler awm zat 1,17,250 a nih laiin, tun a awm zat chu 1,98,679 a tling a, kum 4 chhung vel a two wheeler punna chu 97,383 zet a tling.

Aizawl bikah lirthei intlanchhawk hi (private lirthei) kum 2017 chho atang khan kalpui mek a ni a, hei hian lirthei a tipung chak zual tih ngaihdan nei mi tam tak an awm a, hetihlai hian intlanchhawk hi tihtawp mai tumna erawh a la awm lo.