DOWNLOAD OUR APP

Read latest news on your phone
app-store

Mizoramah Oil zawn mek a ni

Jul 19, 2014

Mizoramah Oil zawn mek a ni

Aizawl; Mizoram chhunga square kilometres 12430 chhungah Oil leh Gas zawn hna kalpui mek a ni a, hei hi Mizoram zau zawng atanga chhutin 58.9% lai a tling a, heng zingah hian Meidum ah Gas hmuh a ni tawh. Mizo Academy of Sciences huaihawta 'Advocacy Workshop on Oil & Natural Gas Exploration in Mizoram' tih Zirtawpni a neih ah he thu hi tarlan a ni a. He Workshop a thu sawitu Dr.H.Lallenmawia, Director, Geology & Mineral Resources chuan New Exploration Licensing Policy (NELP) hnuaiah Mizoram chu block 4 ah thenin company lian tak tak ten Oil leh Gas zawn hna an thawk mek tih a sawi a. Mizoram chu Oil leh Natural Gas awm theihna tur pali an then zinga category no.I 'Proven Commercial Productivity' zing ami a ni tiin Oil leh Gas hi hmuhchhuah anih chuan Mizoram state in royalty atan Oil ah 12.5% leh Gas ah 10% a chang dawn niin a tarlang a. A hlawkna dang chu Central nen 50:50 a insem tur anih thu sawi bawkin Oil leh Gas zawngtute hian hna an tan tirh atangin license fee hi Mizoram sawrkar ah vaibelchhe 16 chuang an chhunglut tawh tih a sawi bawk. Thu sawitu dang Dr.K.Vanlaldinpuia Assistant Professor, PU College chuan nitin khawvel pumpuiah oil barrel maktaduai 90.5 hmang mek ang a ni a ti a, India chu oil hman tam lamah khawvela 4 na a ni tih sawiin nitina India ramin oil a mamawh zat chu 2.2 barrel vel anih laiin India ramin a tharchhuah chu 0.8 million barrel vel chauh a ni a, mamawh 70% vel hi ram dang atanga chawkluh a ni a ti. Dr. Dinpuia chuan Mizoram ah ONGC leh Oil India Limited ten leiverh hna tan tawhin ONGC chuan gas thahnem tak an hmuhchhuah tawh thu an sawi a ni a ti bawk. Workshop ah hian Mizoram ah Gas a awm ngei thu leh Oil erawh verh tawh chinah beisei a bo hle tih te, ram leilung a inan chuan state dang amite pawhin Oil a inlaksak thei tih te, ONGC in Meidum ah Gas 2.28 billion cubic metre an hmuchhuak tih te tarlan a ni a, Oil zawn hna chu chak lehzuala kalpui thaa an hriat thu te sawichhuah a ni bawk. Workshop ah hian Chief Minister bakah Speaker, Minister, Parliamentary Secretary, MLA leh mi pawimawh thahnem tak an tel a ni.
Share now