August 4, 2023; Hriat theih chinah Mizoram a raltlan awm zat chu mi 43,825 an tling a, chung mite chhawmdawln atan chuan ramchhung leh pawn atangin tanpuina pawisa thawh khawm mek zel a la ni.

Myanmar, Bangladesh leh Manipur state buaina avangin Mizoramah raltlan eng emaw zat an awm mek a. Manipur atangin 13,000 vel, Bangladesh atangin 825 leh Myanmar atangin 30,000 chuang an awm a ni. 

Rampawn lam atanga tanpuina pe langsar ah Mizo Society of America (MSA) chuan Myanmar, Manipur leh Bangladesh atanga Mizorama raltlan, Zohnahthlakte tanpuina atan tunhnai khan Central YMA kaltlangin Rs. nuai 10 a pe a. Maryland branch MSA pawhin, Rs. 2,33,060 a thawn bawk a ni.