ZALEN Aug. 2024; NEIGRIHMS, Shillong chu Mizoram atangin pantu an pung chho zela, kum khatah mi sing 1 an tling chho tawh nia thudawn a ni.

ZALEN thudawn danin, NEIGRIHMS hi North East-a damdawiin lian ber pawl a tling tawha, thawktu, khawl leh hmunhma an neih that avangin North East state hrang hrang atangin pantu an thahnem thin hle a ni.

NEIGRIHMS hi Mizoram atang pawhin inentir tur damlo ten an pan nasa hle tawha, thudawn danin, Mizoram atanga pantu hi kum khat chhungin mi sing 1 an tling thin.

Mizo thawk, Doctor leh Nurse engemawzah an awm a, medical superintendent pawh Mizopa, Doctor Daniala a ni.

NEIGRIHMS-ah hian damlo enkawlna man a tlawm a, Doctor thiam ber ber an tam avangte, test hrang hrang tihna man tlawm avangte-in damlo pantu hi an tam chhoh deuh deuh a rinawm.

Hetihlai hian Mizoram sawrkarin Mizo damlote awmna tur, Patient Lodge, Mawkasiang hmuna a sak mek erawh hmabak thui tak a la awm a, peihfel thuai a nghahhlelhawm hle niin, Mizo damlo pakhat ZALEN -in a biak chuan a sawi.

NEIHGRIHMS pantu Mizote tan hian Shillonga awm, Mizo NGO leh kohhrante pawhin theihtawp an chhuah thina, tunhnai mai pawh khan Shillong group YMA hmalaknain Mizo damlote hman atan thisen pek runpui buatsaih a ni.