Aizawl: Mizoram Journalists' Association (MJA) chuan kum 2017-2018 atan North Eastern Council chuan Press Enclave sakna atan vaibelchhe 10 a remti (retain) nia an hriat thu sawiin pawisa hi pek chhuah vat nise an duh tih an sawi. MJA hruaitute chuan BJP kaihhruai NDA sawrkar hian hmarchhak bial hmasawnna ngai pawimawh hle nia insawiin North Eastern Council pawh a siksawi danglam a. Hetih lai hian Mizoram atanga project thehluh, NEC in pek tura a pawm (retained) tawhte pawh tun thlengin pawisa sanction a la awm lo chu mak an tih thu an sawi a. “Mizoram phei chu Assembly inthlang mai tur kan ni a, tuna NEC in project a retain te hi inthlan puan  hnan anih chuan a sukuk zo vek dawn tihna a ni a. NEC-in project a retain tawh si, tun thlenga pawisa a la sanction loh zingah hian Journalist, mahnia in leh lo nei lote chenna tur MJA Press Enclave pawh a tel a, sanction lova hei chen hren khawtlai a ni hi a mak viau mai a. NDA/BJP in an hren khawtlai vanga a sukuk anih chuan Journalist te rilru a na hle dawn a ni,” tiin MJA hruaitu pakhat chuan a sawi. Thudawn danin NEC-in kum 2017-2018 chhunga project a retain tawhte chu tun thleng hian pawisa sanction a la ni lova, Central hotute thu lo chuan NEC Secretariat ten engmah an ti ngam lo nia hriat a ni.