MJA inkhawmpui, 2026-28 president atan ZALEN editor thlang

ZALEN, Mar. 27, 2026: Mizoram Journalists’ Association (MJA) chuan General Conference 2026 an hmang a, kum 2026-28 chhunga an president atan ZALEN Editor Vanlalrema Vantawl an thlang.

I&PR Auditorium, Treasury Square, Aizawla conference-ah hian chawhnuah MISA kaihhruaiin an inthlang a, president chuhtu pahnih zingah ZALEN editor hi thlan chhuah a ni.

Vanlalrema Vantawl hi a hmain term hnih a zawnin president a lo ni tawh a, hemi hma hian vice president a lo ni tawh bawk a, president atan thlan leh a ni ta a ni.

Chawhma inkhawm chu Ramchuana, Secretary, Finance Department chuan khuallian niin a hmanpui a. Chanchinbu mite nen thawhhona tha tak an neih zel a beisei thu sawiin MJA member-te chu khawvel changkang zelah chanchinbu hlutna chu an kutah a awm tih hre reng turin a fuih.

C.Lalhmachhuana, MJA Gen. Hqrs Vice President kaihhruai inkhawmah hian general secretary leh treasurer report ngaihthlak a ni a. C.Lalrambuatsaiha, MJA, President pawhin thu sawiin pension thlah a ni a. December 25, 2025-a an member thi, Ezrela Dalidia Fanaipari Fanai sunna hun an hmang bawk.

Chawhnua rorel leh hruaitu thlan a ni a, heng mite hi an thlang chhuak.

President: Vanlalrema Vantawl, ZALEN

Vice President: C. Lalhmachhuana, Youth Herald

Treasurer: Zohmingmawia, The Aizawl Post

Executive Member:

1. F. Lalrinfela, ZALEN

2. Samuel Lalruatsanga, ZONET

3. H. Lalchhandama, The Zozam Times

4. Joseph Lalnuntluanga, Zorin

5. Lalbiakzama, Entlang

6. Lalnunzira Chawngthu, DD News

7. Vanlalruata, Zorin