ZALEN Feb 18, 2026: Vawiin chawhma dar 11 khan Mizoram Journalists' Association, Kolasib District -te chuan Annual Conference 2026 chu Itanagar, Arunachal Pradesh -ah an hmang.

MJA, Kolasib District Annual Conference-ah hian Rev. John F. Lalhmingliana, Field Secretary, Arunachal Mission Field West, Itanagar chu khuallian a ni a. Tunlai khawvela media-te hmasawnna, a tha zawng leh a chhe zawnga a nghawng te sawiin, khawvel leh Mizoram media boruak karah Kolasib media-te tha thlah lova tang zel turin a fuih.

Andrew Vanlalauva, President, MJA Kolasib District pawhin thu sawiin, MJA member-te chu mipuite hnena chanchin thar pek chhuah kawngah tan lak a ngaih thu a sawi a. Tunlaiah Mizoram chhungah, an hausak chhan sawi chian hleihtheih loha hausa thar thut thut an awm te, zu leh drugs hluar zelte chu veiawm a tih thu sawiin, chanchinbu mite chotu a nih thu a sawi bawk.

MJA te hian District chhunga hmalak dan tur relin, Faina leh Zirna kawngah Kolasib District-in hma a sawn lehzual theih nan hma lak ni se an ti a. Anmahni pawl chhung bikah chhiat ni that ni inkaihhruaina thar ruahman ni se tihte an rel.

Kum 2026-2028 chhunga hruaitu turin heng mite hi an thlang -

President: Pu C. Zomuanpuia

Vice President: Pu Zairemchhunga 

Treasurer: Tv Lalnunmawia.

Executive Committee member atan mi 5 an thlang chhuak nghal bawk.

#ZalenNews