Aizawl: Mizoram Journalists' Association (MJA) General Headquarters President Vanlalrema Vantawl chu Hnahthial, Sangau, Saiha, Lawngtlai leh Lunglei tlawhin a zin mek. MJA President hian Zirtawpni khan Sangau tlawhin Sangau MJA te nen an khua in harsatna an tawh,Electrict current awm loh apianga inbiakpawhtheihloh (Tower Signal awm lo) zel chu a hmunah an enpui a, BSNL thawktute hian Diesel Supply a awm loh avangin Generator lian chu an On (tinung) thei lo tih an lo hrilh. Sangau leh a chhehvel khaw engemaw zat chawmtu BSNL Tower Generator lian hi kumin 2015 January khan Sangau lo thlengin, kum chanve zet chu hman lohin an dah tawh a ni. Hei bakah hian Sangau Water Supply Scheme Phase-1 hna kal meka Pump House pawh a hmunah a tlawh a, kum 2013 a hawn tawh Sangau Pump House ah hian Electrict Current a la luh loh avangin Pump mumal theih a la ni lo niin an sawi.