Aizawl: MJA President Vanlalrema Vantawl chuan, Mizoram Election Result & Statistic bu KC Lalthansanga buatsaih chu nimin chawhnu dar 2 khan CYMA General  Conference Hall, Tuikhuahtlangah a tlangzarh. MJA President chuan, “A bu hming han en mai hi chuan inthlan result dahkhawmna tiin mi tlangpui chuan kan pawm dan a nih a rinawm a; mahse, a bu chhung han keu tak tak chuan result leh statistic piah lamah hian inthlan chhehvela thil thleng ngei ni si, bengverh tak tak a awm tel teuh lawi a, ziaka dah ni lo sela chuan hun a liam anga kan hriat dan a inang lo nuai thei dawnin a lang a. He lehkhabu hian Mizoram inthlanah historical hlutna value a nei tha hle,” tiin a sawi. MJA President Vanlalrema Vantawl chuan lehkhabuah chuan journalistic view awm nualin Mizoram election website-in inthlan result a dahkhawm dik lohna chenin a hai chhuak a, journalist tih tur ni awm tak nia a hriat thu a sawi a. Researcher-te tan pawha rawn tlak a nih a rin thu a sawi bawk.