Aizawl: Nimin khan MJA President Vanlalrema Vantawl chuan I&PR Auditorium ah thlakip chhuak tur magazine thar 'Creative Clicks' a tlangzarh. Magazine thar tlangzarh paha thu sawiin MJA President chuan, "Journalist hna hi hna hautak tak, hahthlak leh thil hriat tam ngai anih avangin rinawm leh taima taka thawh ngai a ni a. Journalist hna chu ram rawngbawlna anih avangin hausak tuma luhchilh ten an tisual thin a ni," a ti. MJA President chuan tunlai Mizo rilru (moral) a chhe tawh hle nia a hriat thu sawiin, "Lawm te inlawmpui har kan ti a, heng Mizote rilru diklo kaihruai a kawngdik zawhpui tur leh siamtha turin Press mite kan pawimawh a ni," a ti bawk. Creative Clicks Editor C.Lalawmpuia chuan Mizote thiamna chi hrang hrang thlalak leh thildangte social media a tarchhuah chauh chu an duhtawk loh avang leh khawvel hriata Mizo thalaite thiamna phochhuah an duh avanga magazine chu buatsaih an ni tih a sawi bawk.