February 28, 2023; Tun sawrkar kum kal lai mekah, vawiin hi Budget Session neih hnuhnun ber ni tur a ni tawh a. Assembly house an panna kawng-a traffic jam a tang minister Lalruatkima, Lalduhoma leh Dr. F Lalnunmawia te chuan scooter remchang hmangin Assembly house an thleng.

ZALEN thudawn danin, MLA pathum Lalruatkima (minister), Serchhip bialtu MLA Lalduhoma leh Aizawl South III bialtu Dr. F Lalnunmawia te hi Temple (Tuikual) - Vaivakawn inkar kawng siam hnathawh mek vangin traffic jam ah an tang a, Assembly rorel tan hun chawhma dar 10:30 nang hman turin an bul a scooter (scooty) awm/ding remchangte biain, Assembly house an pan a, an pathum hian a hun takah Assembly house an thleng kim hman nia hriat a ni.

Hetianga VIP te chetvelna hi Mizoramah chuan kan ram a ralmuan vangte leh ram zalen tak kan nih vangte in 'mak' tih a hlawh vak ngai lo a, state dangah erawh heng ang thil thleng hian ngahven a hlawh hle thin.