ZALEN January 27, 2026: Lawngtlai East MLA Award, 2026 ah Best Journalist atan Lalngheta Ralte, Editor, Lawngtlai Post chuan lawmman a dawng a. He lawmman hi Republic Day 2026 Lawngtlaia hmanah sem niin, thuziak leh pawisa fai a keng tel a ni.

Best Journalist Award dawngtu Lalngheta Ralte chuan, 'Journalist-te hlutna hretu Lawngtlai East MLA chungah lawmthu ka sawi a, Best Journalist Award ka dawng hi, a dawngtu ka nihna aiin, Journalist ten hriat kan la hlawh ṭha tih a lang hi ka lawm zawkna a ni,' a ti bawk.

MLA Award lawmman dawng dang te chu:

1) Best Sports Promoter: Dr. Paul Lalchungnunga Owner, MLS FC

2) Excellence in Public Service: Pu B. Zorempuia, ASI Bualpui Ng P/S

3) Excellence in Public Service: Pu A. Zaithanga, Sr. LR&S Officer LADC