October 6, 2023; Kumin MLA inthlan lo awm tur kaihhnawih-ah MLA tanglai pahnihin banna an thehlut tawh a, chung mite chuan party dang an zawm ve ve ang.

MNF atanga ban tak Siaha Constituency bialtu MLA, Dr K. Beichhua chuan vawiin khan MLA a nihna atanga banna Commissioner & Secretary Lalhmahruaia Zote hnenah a thehlut a, Dr. K. Beichhua hi MLA inthlanpui lo awm turah BJP ticket in Siaha bial ah a ding dawn a ni. Dr. K Beichhua hi Mizoram BJP hruaituten an tawiawm. 

Hemi hma, tunkar Thawhlehni khan Palak Bialtu MLA KT. Rokhaw, Congress MLA chuan Speaker Lalrinliana Sailo hnenah MLA atanga banna a lo thehlut tawh a, ani hi MNF ah lawmluh tawh niin, a bial ngai Palak bialah MNF ticket in a ding zui ang.