Aizawl: Lunglei South bialtu MLA S. Laldingliana (64) h/o Lilypari Sailo chu nimin zing dar 6:45 khan an chenna inah cancer vangin a boral a, nimin vek khan Chanmary thlanmualah vuiliam a ni. S.Laldingliana hi politics a zawm hmain Lunglei college ah Associate Professor hna a chelh a, kum 2008 khan Indian National Congress zawmin Lunglei South bial atangin MLA atan thlantlin a ni a, Congress Ministry-ah Parliamentary Secretary hna a chelh a. Kum 2013 khan a bial ngaiah hian tling nawn lehin Vice Chairman, Lunglei High Power Committee ah dah a ni a, a thih ni thlengin he hna hi a chelh a ni. S.Laldingliana hi kum 2004 November thla khan a chaw kawng cancer hmuhchhuah a ni a, Mumbai ah hlawhtling taka zai a ni a. Kum 2017 May thla khan a chuapah cancer hmuh leh a ni a, hei hi a thihpui ta a ni.