Aizawl: Mizoram Liquor (Prohibition & Control Act, 2014dan hnuaiah case 1003 register tawh niin he dan hnuaiah vek hian mi 913 man an ni tawh. Mizoram Excise & Narcotics Department chhinchhiah danin kumin 2015 January thla atanga May ni 31, 2015 thleng khan ND&PS (Narcotics Drugs & Psychotropics Substances) Act, 1985 hnuaiah mi 164 manin case 134 siam a ni tawh a. AD(C) Act, 1950 (Assam Drugs Control) hnuaiah mi 2 manin case 2 siam a ni bawk a, Mizoram Excise Act 1973 hmangin mi 12 manin thubuai 120 ziahluh a ni a, MLTP Act 1995 hmangin mi 43 man an ni tawh bawk a, he dan hmangin hian thubuai 56 ziak lutin ramdang mi 8 man an ni tawh bawk. Mizoram Excise & Narcotics Department te hian kumin chhung vek hian heroin 1.296 kg, ganja 5.189 kg, psedoephedrine mum 912626 an man tawh a. Zu kaihhnawih a hman lirthei 45 an man tel tawh bawk. Excise hian April ni 30,2015 thleng khan sawrkar sum bawmah Rs. 454,40,597 an chhunglut tawh a ni.