Aizawl: Mizoram sawrkarin zu khuah khirhna dan ennawn tura a ruat ‘Review and Evaluation Committee’ chu naktip Thawhlehni hian Chief Secretary Conference Hall-ah an thukhawm dawn. Mizoram Liqour (Prohibition & Control) Act,2014 zirchiang tura din Review and Evaluation Committee hi an chairman Excise & Narcotics Minister R.Lalzirliana chuan a ho dawn a, Mizoram Liqour (Prohibition & Control) Act,2014 hmalakna chungchang an ngaihthlak dawn bakah MLPC tha zawka hman dan tur leh tuldang te an sawiho dawn a ni. Mizoram sawrkar chuan MLPC zirchianga rawtna thlentu tur Committee hi July ni 15,2016 khan dinin Excise & Narcotics Minister chu chairman a ni a, vice chairman ah Parliamentary Secretary i/c Excise niin sawrkar lam (officials) atangin member 8 ruat an nih bakah pawnlam mi thiam (non officials) 17 ruat an ni bawk. Committee a ruat te zingah hian pawmlo an awm chuan ni 10 chhunga hriattir tura tih an ni a, mahse ruat an nihna pawmlo an awmlo nia thudawn a ni. Sawrkar hriattirna atanga a lan danin Committee hian MLPC in ei bar dinhmun, hriselna leh khawtlang a nghawng dan te an zir-chiang dawn a ni.