Scotland mi Stevie Ray chuan Anthony Pettis a hneh hnuah Professional Fighters League (PFL) lightweight final $1million awmna a hmachhawn dawn. 

Kum 32 mi Ray hian top-seed leh UFC champion hlui Pettis hi thla 6 chhunga a tum hnih nan unanimous point hmangin a hneh a ni. 

Ray hi British fighter zinga PFL final dollar maktaduai khat dawn theihna fight hmachhawn hmasa ber tur a ni a, November ni 25 khian Canadian Olivier Aubin-Mercier nen an insual ang. 

Ray hian kum 12 chhung zet MMA hi a luhchilh ve tawh a, hemi chhung hian kum 5 chhung chu UFC lamah a inlan thin a ni. A tan chuan tuna chakna hi thil ropui tak a ni a, major promotion-a world title a hmachhawnna hmasa ber tur a ni nghe nghe. 

Ray hi a career-ah tum 25 a chak tawh chungin lightweight champion nih theihna huth ch tun tum chiah hi a la nei.