October 6, 2023; Chief minister leh MNF president Zoramthanga'n, Pathian leh mipui zarah MNF kaihhruai sawrkar a din chhunzawm leh ngei a beisei tih a tarlang.

A official IG page a a tarlan danin, "Hripui leh harsatna dang min tlakbuaktu awm tawh lovin, malsawmna period-ah Zoram mipuite leh Mizo thalaite chhawr tham ram hmasawnna nasa zawk thlentir ngei kan tum tlat a ni," a ti.

Mizoram mipuite chu MNF Official Candidate te lo vote vek turin a sawm a, "Candidate kan puan takte hi Pathian leh kan ram tan, Mizoram mipui, kan thalaite leh ram hmasawnna thlentu an nih theihna tura lo tawiawm tlat tur leh, an dinna bial theuhah lo thlang tling ngei turin kan ngen takmeuh a che u," a ti bawk.