Aizawl September 23, 2024 : Mizo Hnam Run chhung inkhawm neih a ni a. Political Session a thusawitu MNF Gen. Hqrs Treasurer Lalruatkima, Ex-Minister chuan MNF Party chu Mizo Guardian an ni, tiin, Mizoram Assembly Speaker Lungtat a par em ni? a ti bawk.

Ruatkima chuan, "Kan ramin Zalenna famkim a neihna turin Hnam Pasalthate leh Martar te vawiinah hian zahna chibai kan buk a. Ram leh hnam tana nunna hlu tak thap a, in inpekna hi Zofate thinlungah a nung reng tawh ang," a ti.

Lalruatkima chuan, "MNF hi Party mai a ni lova, Mizoram leh Hnam Sakhua venghimtu- Mizo Guardian a ni. MNF chu kan hnam pasaltha-Martar te hniakhnung zui a kan ram leh kan sakhua venghimtu kan nihna hria a beidawng mai tur kan ni lo, a ti bawk. Peace Accord avanga kan neih India Constitution Article 371 (G) Mizote hi himna te, hnamdang in Mizoram ah In hmun lo ram neih phal anih lohna te, Mizote sakhua leh rinna, customary law practices te humhalh tlat a ni. Venghim zel turin tan i la tlang zel ang u," a ti bawk.

Assembly Speaker chungchang sawiin RK-a chuan, "Thla 9 chhungin Assembly Speaker enkawl nan a vaiin cheng nuai 65.23 hman a ni tawh. Speaker Bangalow cheithatna atan Rs. 8,40,000/- leh speaker bangla furnishing atan Rs. 15,00,000 PWD atangin sen anih bakah Assembly secretariat pawisa hmangin Speaker Bangla furnishing atan Samsung/Sony TV, hmunphiah, tooth pick, wall clock/solar sana 9, pressure cooker 11, hmarcha rawtthleng leh Lungtat thlenga lei a ni," tiin, RTI chhanna atanga an dawn a nih thu a sawi a. "Assembly Speaker Lungtat a par em ni?," a ti.

MNF Treasurer chuan ZPM sawrkar hian kum 5 an daih loh a rinawm thu leh Delhi lamin kum 5 a rei an sawrkar an rin loh thu an rawn sawi fo thu sawiin, RTI hmanga sawrkar hmalakna dil zel an tum thu a sawi.

Congress Party chu kum 2029 thleng tuna an hruaitute term pawhsei sak an nih avangin an party chhung boruak a tha lo hle tiin, MNF Party chu rei lo teah a sawrkar leh thuai dawn thu leh hotute thu zawm a hmala turin party mipuite a ngen a ni.