MNF hi NE-a NDA lemchang awmchhun an ni - BJP State President
![](/storage/news/post/iRjhY6n8oUbPrHV5EbMdbAyyGbuIA87iWgtqqw4w.jpg)
Aizawl September 30, 2022 : Vawiin khan BJP Mizoram Pradesh chuan BJP State Office, Atal Bhawan, Upper Republic ah Political Session hun an hmang a, he huna thusawitu State President Vanlahmuaka chuan, MNF chu North east state zinga NDA lemchang awmchhunah puhin, nihna anga lang ngam lo hruaitu atan an tha ngai lo, a ti.
Vanlalhmuaka chuan, "NE States-a NDA lemchang awm chhun chu MNF hi an ni a, hei hi a pawi hle a, mahni nihna anga langchhuak ngamlo te hi ram hruaitu atan an tha ngai lo a ni. Tun hunah pawh kan ram harsatna ah hian a mawhphurtu chu sawrkar lai hi an ni a, Central khuan lemchang leh lemchang lo hi chu an hre ve khawp tih hi kan hriat angai a ni. Ram hruaitu ten Dawt hmanga ram min hruai chuan Mipui ten kan tuar thin a ni. Zoram mipuite hi enkawl nuam ber kan ni hial in a rinawm a, nimahsela hruaitu ṭhalo chuan mipui an hruai tha thei lova, mipuiin harsatna an tawk mai thin a ni," a ti.
Hmuaka chuan, "Tun hnai lawkah Lunglei Municipal Council Election lo awm tur atan Campaign Kick-off kan nei a, heta kan hmuh chian tak chu Mizoram kawng chu a chhe hle a ni tih hi a ni. Kawngpui tha kan duh tak tak a nih chuan Mizoram mipuite hian BJP kan sawrkar tir a ngai a, kawngpui chhe lutuk en hian kan ram hruaitute hian kan ram leh hnam an hmangaih tak tak lo a ni tih a lang chiang hle a ni. Mizoram khawpui ber Aizawl leh a dawttu Lunglei panna kawng te hi a chhe hle a, kawngpui tha kan mamawh takzet a ni, kawngpui chhia tamna ram apiangah development a thleng tak tak theilo a, kawngpui tha min pe theitu chu BJP bak hi an awmlo a ni, tih hi Mizoram mipuite hian kan hriat a hun tawh hle a ni," a ti.
BJP State President chuan inthlan leh atanga chuan sawrkar-ah an tel dawn tih sawiin, "Kum 2023 ah chuan Mizoram mipui zarah a lo berah sawrkarna ah kan tel tawh dawn a, chumi hnuah chuan Zoram mipuite hian hmasawnna hmel kan hmu chho tan thei tawh dawn a ni. Zirna in tha, Damdawiin ṭha, kawngpui tha kan nei tawh dawn a, kuthnathawktute leh miretheite ngaihpawimawh an ni anga, an dinhmun dawmkan an ni anga, kan ramin hmasawnna tura a mawmawh apiangte kan neih theih nan kan thawk dawn a ni," a ti.
Hmuaka chuan dawt sawi hrat tak takte chuan an dawt sawi hi an awih leh mai thin, tiin, "Kan ram hruaitute pawh hi chutiang ang chuan an awm mek a, an dawt sawi hmang hian Mizoram min tuam hlawm mek a ni, Tunhnaia CM-in Delhi zin chuan tunhmaa enkawl thei a tih Airport leh ZMC te chu Central hnenah an enkawl tura pek a duh thu a thlen a, hei hian MNF Sawrkar hi an beidawn zia a tilang tih a hriat a ni. Chuvangin sawrkar lai MNF hi an sawrkar leh a nih chuan, Union Territory-ah min dah mai rawh u an tih hial a rinawm tawh a ni. Tuna SEDP an sem tur Cheng 300,000/- pawh hi, 25,000/- term khat chhunga (kum 5 ) an sem hman chauh chuan cheng 300,000/- an sem kim hun kan nghah palh hlauh chuan tuna thalaite hi an tar hman tawh dawn a ni," a ti bawk.
Political Session neih zawh ah hian Sewa Pakhwada programme hman mek kal zelah; 'Unity in Diversity & Vocal for Local' hun hman a ni a, 'Handloom Expo' Aijal Club Park-a neih chu tlawh niin, State hruaitute chuan an thil phochhuah te an lei bawk a ni.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024