Aizawl MNF Vice President Dr. R.Lalthangliana chuan, “MNF-in hmasawnna a thlente kha sawi sen a ni lo a ni,” a ti. Nimin Suangpuilawn khuaa SEDP Training ah he thu hi sawiin MNF Vice President chuan MNF in police battalion 4 dinin sikul 337-te dinhmun sang zawkah an dah (upgrade) a. Thuampuiah Ch.Chhunga Bus Terminal te,Millennium Centre leh New Capital Complex dintu an ni tih a sawi. SEDP chungchang sawiin, “SEDP hi expert committee, mithiam 16 awmna ten kum hnih chhung uluk taka an duan a ni a; mipuite'n eizawnna ngelnghet zawk kan neihna tur te, kan khawsak lo awlsam zawkna tur thilte tam tak a awm a. A tawp thlen leh hlawhtlinna an chan ngei hi SEDP-in a tum a nih avangin sum lengvak a tam dawn a, chuvangin Mizoram Development Bank kan din ang a, khaw tam takah chu chu kan dah dawn a ni,” a ti bawk. Pu Thangtea hian nimin khan Tuirini lei chim a tlawh a, hemi hnu hian lei chim avanga nunna chan HC Lalfakzuala, Sesawng khua chu an chenna hmunah a ral nghal a ni.