Aizawl: MNF hruaitu thenkhatte chuan November ni 28,2016 a Assam PWD ten Kanhmun VC huamchhunga Mizoram leh Assam inrina Medili lui kama Assam PWD ten kawnglaih hna an rawn thawh chu Zirtawpni khan a hmunah an tlawh. Ramri tlawhtu Lalruatkima MLA chuan pi leh puten an chhuan lo awm zel te chenna tura lu chhum ban chhum huama thi leh thau pawlh a ram an lo humhalh chu MNF Party chuan a venghim tlat dawn tih sawiin, “Assam lamin hma an rawn la zui anih vaih chuan kan ram humhalh turin kan thisen far tawp thlengin kan bei zel dawn a ni,” a ti. MNF chuan Mizoram leh Assam ramri te, Mizoram leh Tripura ramri te humhalh kawngah Congress sawrkar chu hma la tawk lo ah puhin an dem tak zet tih an sawi bawk.