Aizawl: FCS&CA Minister John Rotluangliana chuan, “MNF hian policy mumal sawi tur tun thleng hian an la nei lo a,  an SEDP pawh an hotu hrang hrangten an sawi dan hi  a inang lo nuaih thin a ni,” a ti. Nimina Mamit East Congress Block ten Congress party zawm tharte lawmluhna hun Lengpui Community Hall-a an neih ah he thu hi sawiin, “MNF hian thawhpui tur an vai em em a. BJP chu a lang a pauva thawhpui hreh siin,  an sum itin an bechhe ngam bawk si lo a. An chetzia hi kan hmuh vek avangin MNF te tan hian sawrkarna chance hi a awm lo a ni,” a ti. Mizoram politics dinhmun hrang hrang sawiin, ZPM lam lah hi an lian thei lo hi a mangan thlak zawk a, an Chief Minister tur pawh an la hre lo niin a sawi bawk. Minister bakah hian MPYCC President  Dr. Lalmalsawma pawhin thu a sawi bawk.&&&&&