ZALEN December 4, 2023 : MNF chuan thuchhuah siamin Mizoram Inthlanpui 2023 chu tluang taka neiin, vote chhiar pawh neih zawh a ni ta a. Mizoram mipuite duhthlanna hmanga thlantlin, sawrkar thar hmel a hmu dawn a, sawrkarna siam tur ZPM te MNF chuan a lawmpuiin tih an tarlang a, Mizo mipuiten beiseina nena an thlirte tihlawhtling tur leh thahnemngai taka thawk turin duhsakna an hlan.

MNF chuan candidate te duhsak taka lo vote tute chungah lawmthu an sawi a, MNF candidate thlantlin te leh party dang candidate thlantlin te MNF chuan a lawmpui a. MNF MLA thlan tlinte pawh eptu MLA tangkai tak ni turin duhsakna an hlan a. Tlingzo ve ta lo te thinlung takin a tawrhpui tih an tarlang bawk a ni.

MNF chuan vote chhiar buaipui a, thawktute zawng zawng chungah lawmthu an sawi a, sawrkar thar hmalakna ngun taka thlirin, Mizoram leh hnam tan theihtawp chhuahin hna an thawk chhunzawm zel dawn an tih an tarlang bawk.